لو عــايز تغــــير نفسك .. .. اختار من هنا

بسم الله الرحمن الرحيم

احنا بنحب اننا نكون ناس ليها شهره وانها كمان تكون محبوبه .. وفى بدايه الكلام انا بتكلم بطريقه عاميه لان دى اللغه اللى كلنا بنفهمها ..

المهم ... كلنا بنخاف من حاجه معينه بتبقى فى حياتنا .. وكل واحد فينا ليه نقطه ضعف بيحاول يتجنبها وميظهرهاش لحد ,, وياريت لو كانت على نفطه ضعف واحده .. فى كتيييير منا ليه اكتر منمليون 1000000 نقطه ضعف .. ومع ذلك بيتظاهر  ان عنده ثقه لا نهائيه .... ومن هنا بتبدى نقط ضعفه

بتظهر ,, على العموم .. لو انت فعلا شخص عندك ثقه .. عمرك ما هتظهر بشخصيه غيرك يعنى مش هتقلد حد

.. ولما تمشى فى الشارع مش هتلاقى رجليك بتخبط فى بعض .. الناس اللى عندها نقاط ضعف وانا كنت واحد ,, لما كنت بمشى فى الشارع بحس ان كل 5 ثوانى مشيتى بتتغير تلقائى .. وطبعا دا احساس #مضطرب .. مع كل دا انت بتحاول تعدل مشيتك وكمان مش بتبقى عارف .. كل دى من علامات فقد الثقه .. كمان بتحس ان الكل بيراقبك , حاسس انك مختلف عن الناس كلهم , وياريت الاختلاف دا مميز .. ولكن العكس الاختلاف دا بيبقى سلبى طبعا عليك\ى .

كلنا بنتمنى نفس الحاجه .. اننا نكون شخصيات لها جاذبيه سحريه مختلفه عن الكل .. تمام .

طبعا وليك الحق الكامل انك تكون كدا .. بس الاهم من دا كله .. عارف انك هتكون كدا ازاى .. انا حاليا مش عارف ,, بس لما اظبطلك شويه حاجات الاول كدا وبعد كدا ,, نحاول اننا نكون ناس ليها كاريزما خاصه ..

طبعا فى الاول لازم تهدى عقلك معايا شويه كدا علشان .. تولف الموضوع دا فى دماغك تمام ,, اكيد طبعا كلنا بنروح محلات ملابس .. ومولات .. والخ .. زطبعا بنشوف احسن موضه بس دا مش موضوعنا .. احنا هنا فى الملابس بنعمل ايه .. احنا هنا هنقولك اننا كلنا لما بنختار لبس سواء كان خروج او بيتى  بنحب نجيب لبس يكون متظبط علينا يعنى مش بنعرف نلبس الضيق على الاخر ,, ولا بنحب الواسع اللى بيحسسك انك فى حفله تنكريه .. ودا الطبع السائد لاغلبنا ..

 

اهى شخصياتنا بقى شبه الملابس دى تمام .. فى مننا اللى بيختار شخصيه وطبعا دا تقليد .. شخصيه واسعه يلبسها وطبعا بينجح انه يلبسها بس مش بتليق عليه خالص .. وطبعا كله بيبص ليه باشمئزاز ,, حتى لو لبست ضيق انت طبعا بتتخنق وتحس انك عايز ملينات علشان تعرف تلبس الضيق دا وفى الاخر بتزهق منه بسرعه .. وكمان دا بياثر عليك وبتزهق اللبس كله وبتحس ان مفيش لبس مناسب عليك ....

طيب كل دا ليه ؟!

اجاوبك .. المهم انت سرع دماغك معايا .. حضرتك لما بتختار حاجه مش لايقه عليك وبالرغم انك شايفها على ناس غيرك حلوه ,, فحضرتك بتحاول انك تجيب زيها .. بس طبعا مش بتليق عليك .. السبب انك اخترت حاجه مش مناسبه ليك بس شكلها حلو .. لو انت فعلا اخترت حاجه على مقاسك حتى لو كانت #simple كانت هتعجبك اووووى .. بالظبط لو كانت شخصيتك #normal وبتتعامل بطبيعتك .. ومن جواك بتعترف ان دى شخصيتك انت بس , مفيش حد تانى زيك ..... صدقنى هتحبها ,, وانت عارف لو انت حبيت حاجه -----> هتحاول تحافظ عليه وتنميه ..

              # ودى النقطه اللى كنت عايز اوضحها ليك ,, انك لازم تعترف بشخصيتك وطبيعتك سواء لو كنت ( ريفى - بتعيش فى المدن - لهجتك - ....) الحاجات الاسايه دى .. طبعا فى حاجات بنعرف نغيرها زى الاسلوب بس دى بتبقى حاجات مكتسبه متخفش منها تقدر تتطورها # للاحسن ..

            #النفطه التانيه : انت اتعرفت على نفسك خلاص عرفت طولك وشكلك ولون عنيك وكل الحاجت دى ,, خلاص بقى ,, ناو انت فى مرحله تانيه وهى  #التهيئه .. طبعا لازم تحفز نفسك على الجرأه بس جرأه بدون وقاحه ,, حاول تتكلم مع كل انسان وتتقبل اراءه واسلوبه علشان تفهمه .. والحاجه الحلوه اتعلمها منه ومتسرقهاش .. والحاجه السلبيه اللى فبه ,, طبعا ابعد عنها .. هيأ نفسك لمستوى انت موصلتش ليه .. هيأ نفسك لكل حاجه ..

            # النقطه الثالثه : انا مش عايز اطول عليكم .. بس لازم اظبط كدا شويه حاجات ان شاء تقدر تساعدنا كلنا .. فى المرحله التالته دى .. المقارنه .. لو فى بدايه مع نفسك اوعى تقارن نفسك بحد .. وافكرك انك متنساش موضوع

#اللبس ,, المهم لازم تهتم بنقسك .. واجه كل حاجه بتخاف منها .. متبعدش عن مشكلاتك .. متندمش كتيير عن افعالك .. #كل واحد مننا ليه دور .. فطبعا لازم انك تعمل على الدور دا , متفوتش فرصه هتبقى موجوده سعادتك فيها , الكلام مش بيجيب نتيجه .. اعمل فعل احسن .. ابعد عن الناس اللى بتحاول تشوش عليك او تخليك غامض عنهم .. خليك انسان fresh # .. متبقاش على روتين دايما .. الروتين هيجيبلك ملل .. حاول # تغير كل حاجه فى حياتك المهم انك تكون مختار ملابس تناسب شخصيتك ...

وفى نهايه كلامى .. بتمنى من ربنا انكم تكونوا استقدتوا من كلامى .. وعن جاد زى ما بيقولوا اخواتنا الخليجيين واللبنانين .. ربنا يحقق كل احلامك وامانيكم اللى بتتمنوها فى الخير ..

 لو عجبك الموضوع .. لاتنسى من مشاركته مع البشر كلهم ...



التعليقات

التعليقات تحتاج لموافقة صاحب المدونة لنشرها.


استضافة مجانية من موقع مدونات عبر ! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة- Report copyright abuse | سياسة الخصوصية |نسخة الموبايل